Toghchán an Uachtaráin, 2025
Bhí Toghchán an Uachtaráin ar siúl in Éirinn ar an 24 Deireadh Fómhair 2025. Ar chomhairle Bhord Bainistíochta NEDS, choimisiúnaigh an Coimisiún Toghcháin suirbhé painéil fadaimseartha a raibh trí chéim ag baint leis. Bhí sampla ionadaíochta de dhaonra na hÉireann atá 18+ bliain d’aois páirteach sa suirbhé, vótálaithe agus neamhvótálaithe ina measc.
Ghlac 1,773 freagróir san iomlán páirt in NEDS Thoghchán an Uachtaráin. Agus béim shonrach ar na trí chéim ar leith, leantar an 1,312 freagróir céanna sa suirbhé seo. D’fhreagair siad na trí shuirbhé i rith an timthrialla toghcháin uile, agus gabhadh a meonta agus a meastóireacht féin roimh lá an toghcháin agus ina dhiaidh, ina measc:
- Céim 1: Tús an fheachtais, 29 Meán Fómhair – 6 Deireadh Fómhair 2025,
- Céim 2: Seachtain an toghcháin, 17–23 Deireadh Fómhair, agus
- Céim 3: I ndiaidh an toghcháin, 25 Deireadh Fómhair – 3 Samhain.
Mar a bhí in NEDS roimhe seo, tá dhá phríomhchuid sa staidéar seo. Pléitear ceisteanna sa chéad chuid a bhaineann le hobair an Choimisiúin agus é ag comhlíonadh a chuid feidhmeanna. Tá béim sa chuid sin ar thopaicí ar nós thaithí na vótálaithe, eolas na vótálaithe, rannpháirtíocht na vótálaithe agus chlárú na vótálaithe.
Baineann an dara cuid le ceisteanna a roghnaigh na saineolaithe ar Bhord Bainistíochta NEDS agus a raibh taighde ar staidéir toghcháin mar bhonn eolais fúthu. Tacaíonn na ceisteanna sin le forbairt taighde d’ardchaighdeán ar cheisteanna toghcháin d’Éirinn agus tugann siad Éire i gcomhréir leis na sonraí a bhailítear do thíortha eile, agus féadfar a bheith rannpháirteach i staidéir idirnáisiúnta agus chomparáideacha dá bhrí sin.
Tá an ceistneoir agus deic sleamhnán achomair ar fáil thíos.
Toghchán an Uachtaráin 2025
Tá na tacair sonraí iomlána agus na códleabhair do na trí chéim ar fáil ach iarratas a chur chuig research@electoralcommission.ie.